គេហទំព័រ សារព័ត៌មាន មេសាញូស៍

Monday, October 5, 2026

Ronaldoចាកចេញពីជំរំហ្វឹកហាត់របស់ជម្រើសជាតិហើយតើមានរឿងអ្វីចំពោះគាត់?

ចំនួនអ្នកទស្សនា: Views

October 05, 2026 No comments

Cristiano Ronaldo បានចាកចេញពីជំរំហង្វឹកហាត់របស់ជម្រើសជាតិព័រទុយហ្គាល់ ខណៈអនាគតរបស់ប្រធានក្រុមវ័យ ៤១ឆ្នាំជាមួយក្រុមជម្រើសជាតិ កំពុងស្ថិតក្នុងភាពមិនច្បាស់លាស់ បន្ទាប់ពីមានភាពតានតឹងជាមួយគ្រូបង្វឹកថ្មី Jorge Jesus។ ការចាកចេញនេះកើតឡើងមុនការប្រកួត UEFA Nations League ជាមួយដាណឺម៉ាក។ នេះបើតាមការចុះផ្សាររបស់ Reuters ថ្ងៃទី១ ខែតុលា។

ភាពតានតឹងបានចាប់ផ្តើមបន្ទាប់ពីRonaldoត្រូវបានដាក់ឱ្យអង្គុយលើកៅអីបម្រុងពេញ៩០នាទីក្នុងជ័យជម្នះ២-១របស់ព័រទុយហ្គាល់លើន័រវែស។មុនការប្រកួតJesusបានពន្យល់ថាRonaldoបានលេងប្រកួតមុនត្រឹមប៉ុន្មានថ្ងៃប៉ុណ្ណោះហើយការមិនដាក់ឱ្យចូលលេងគឺជាការសម្រេចចិត្តផ្នែកយុទ្ធសាស្ត្រ។

បន្ទាប់ពីការប្រកួតRonaldoមិនបានហ្វឹកហាត់ជាមួយក្រុមជាធម្មតាទេប៉ុន្តែហ្វឹកហាត់ដោយឡែកនៅកន្លែងហាត់ប្រាណ។JesusបានបដិសេធថាRonaldoមិនបានបដិសេធការហ្វឹកហាត់ឡើយហើយបាននិយាយថាលោកជាអ្នកទទួលខុសត្រូវលើការសម្រេចចិត្តផ្នែកបច្ចេកទេសទាំងអស់។

នៅថ្ងៃទី៣០ខែកញ្ញាJesusបានបញ្ជាក់ថាRonaldoនឹងមិនចាប់ផ្តើមជម្រើសដំបូងក្នុងការប្រកួតជាមួយដាណឺម៉ាកនៅឡើយដែលការប្រកួតនេះគ្រោងធ្វើឡើងនៅព្រឹកថ្ងៃទី២ខែតុលាម៉ោងនៅកម្ពុជា។បន្ទាប់ពីសន្និសីទសារព័ត៌មានរបស់គ្រូបង្វឹកRonaldoបានពិភាក្សាជាមួយប្រធានសហព័ន្ធកីឡាបាល់ទាត់ព័រទុយហ្គាល់លោកPedroProençaហើយសម្រេចចាកចេញពីជំរំ។FPFបានបញ្ជាក់ជាផ្លូវការថាRonaldoបានចាកចេញហើយក្រុមនឹងបន្តត្រៀមប្រកួតជាមួយកីឡាករ២៤នាក់ដែលនៅសល់។Ronaldoកាលប៉ុន្មានថ្ងៃមុនក៏បានលើកឡើងដែរថានៅពេលមួយដែលក្រុមជម្រើសជាតិនិងគ្រូបង្វឹងលែងគិតថាលោកមានប្រយោជន៍ចំពោះក្រុមលោកក៏នឹងចាកចេញ។

Ronaldoបានបង្ហោះសារថាលោកនឹងប្រាប់“ការពិត”ដល់ប្រជាជនព័រទុយហ្គាល់នៅពេលសមស្របអំពីមូលហេតុដែលធ្វើឱ្យលោកសម្រេចចាកចេញពីក្រុមជម្រើសជាតិ។លោកក៏បានជូនពរឱ្យព័រទុយហ្គាល់និងមិត្តរួមក្រុមទាំងអស់ទទួលបានជោគជ័យ។

Ronaldoគឺជាកីឡាករដែលមានចំនួនបង្ហាញខ្លួនឱ្យជម្រើសជាតិព័រទុយហ្គាល់ច្រើនបំផុតនិងជាអ្នករកគ្រាប់បាល់បានច្រើនបំផុតក្នុងប្រវត្តិសាស្ត្របាល់ទាត់អន្តរជាតិបុរស។ទោះមានការរាយការណ៍អំពីលទ្ធភាពចូលនិវត្តន៍ពីជម្រើសជាតិក៏ដោយRonaldoមិនទាន់ប្រកាសជាផ្លូវការថាលោកចូលនិវត្តន៍ពីបាល់ទាត់អន្តរជាតិនោះទេ៕

ប្រភព៖Reuters/ESPN

(សូមអានបន្ត)

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ចំនួនអ្នកទស្សនា: Views

October 05, 2026 No comments

អាការៈនៃការញាក់ត្របកភ្នែកតែងកើតឡើងជាញឹកញាប់សម្រាប់មនុស្សគ្រប់រូប។ អ្នកខ្លះមានជំនឿថាបើញាក់ភ្នែកឆ្វេងគឺជួបសំណាងល្អ ឯញាក់ភ្នែកស្ដាំតែងមានរឿងជាដើម។ ប៉ុន្តែជុំវិញនៃការញាក់ត្របកភ្នែកនេះមានការយល់ឃើញខុសៗគ្នា ដូចជានៅចិនការញាក់ភ្នែកឆ្វេងគឺនាំលាភ តែបើនៅប្រទេសនីហ្សេរីយ៉ា គឺនាំសំណាងអាក្រក់ទៅវិញ។

មានការបកស្រាយពីជំនឿផ្សេងៗទាក់ទងនឹងញាក់ភ្នែកនេះតាមក្បួនចិនដែលអ្នកស្រុកអាស៊ីភាគច្រើនជឿថាឆុត។ សម្រាប់អ្នកដែលកំពុង ឬធ្លាប់ញាក់ភ្នែកអាចមើលតាមក្បួនខាងក្រោមមើល៍ថាត្រូវបានប៉ុន្មានភាគរយដែរ?

ភ្នែកឆ្វេង៖

១១យប់ – ១រំលងអាធ្រាត្រ : នឹងមានអ្នកមានទ្រព្យសម្បត្តិមកលេង
១រំលងអាធ្រាត្រ – ៣ទៀបភ្លឺ : អាចនឹងមានរឿងគួរឲ្យព្រួយបារម្ភកើតឡើង
៣ទៀបភ្លឺ – ៥ទៀបភ្លឺ : អាចនឹងជួបមិត្តភ័ក្ដិដែលនៅឆ្ងាយ
៥ទៀបភ្លឺ – ៧ព្រឹក : មានភ្ញៀវពិសេសមកលេង
៧ព្រឹក – ៩ព្រឹក : មិត្តភ័ក្ដិជិតស្និតនឹងមកលេង
៩ព្រឹក – ១១ថ្ងៃ : មានពិធីជប់លៀងត្រូវចូលរួម
១១ថ្ងៃ – ១រសៀល : នឹងមានចំណីចំណុកច្រើនត្រូវគេយកមកឲ្យ
១រសៀល – ៣រសៀល : គម្រោងការនានាខាងមុខអាចដំណើរការបានល្អ
៣រសៀល – ៥ល្ងាច : អាចនឹងបាត់លុយ
៥ល្ងាច – ៧យប់ : មានភ្ញៀវកំពុងមកតាមផ្លូវមកលេង
៧យប់ – ៩យប់ : ភ្ញៀវកាន់តែច្រើនកំពុងមកតាមផ្លូវ
៩យប់ – ១១យប់ : មានភ្ញៀវមកលេង

សរុបទៅ ការញាក់ភ្នែកឆ្វេងដូចជាគ្មានសំណាងអាក្រក់ណាស់ណាទេ គឺមានតែការមកលេង ការញ៉ាំអី និងពិធីជប់លៀង។ តែគួរប្រយ័ត្នចំពោះការញាក់ភ្នែកនៅម៉ោង១អាធ្រាត្រ និងម៉ោង៣ល្ងាច ដែលអាចមានបញ្ហាកើតឡើង។

តោះមើលភ្នែកស្ដាំវិញ៖

១១យប់ – ១រំលងអាធ្រាត្រ : នឹងមានគេយកសំបុត្រមកអញ្ជើញទៅជប់លៀង
១រំលងអាធ្រាត្រ – ៣ទៀបភ្លឺ : មានមនុស្សកំពុងគិតដល់អ្នក
៣ទៀបភ្លឺ – ៥ទៀបភ្លឺ : នឹងមានដំណឹងល្អ រឿងល្អៗកំពុងរង់ចាំអ្នក
៥ទៀបភ្លឺ – ៧ព្រឹក : គ្រប់យ៉ាងនឹងដំណើរការបានល្អ
៧ព្រឹក – ៩ព្រឹក : អាចនឹងមានរបួសតិចតួច
៩ព្រឹក – ១១ថ្ងៃ : អាចនឹងមានជម្លោះជាមួយអ្នកណាម្នាក់
១១ថ្ងៃ – ១រសៀល : នឹងមានរឿងអាសន្នកើតឡើង
១រសៀល – ៣រសៀល : មានរឿងល្អតិចតួចកើតឡើង
៣រសៀល – ៥ល្ងាច : អ្នកប្រហែលកំពុងគិតពីមនុស្សដែលអ្នកស្រលាញ់
៥ល្ងាច – ៧យប់ : មានភ្ញៀវកំពុងមកតាមផ្លូវមកលេង (ដូចភ្នែកឆ្វេងដែរ)
៧យប់ – ៩យប់ : អ្នកកំពុងនៅតាមផ្លូវទៅជួបជុំមិត្តភ័ក្ដិ ឬអ្នកណាម្នាក់
៩យប់ – ១១យប់ : ប្រយ័ត្នមានរឿងដល់ថ្នាក់ឡើងតុលាការ

ពេលចាប់ផ្ដើម អ្វីៗអាចនឹងល្អ តែបើញាក់នៅពេលពាក់កណ្ដាលថ្ងៃអាចនឹងមានរឿងមិនល្អកើតឡើងច្រើន។ សំណាងល្អរឿងអាក្រក់ទាំងនោះអាចកែប្រែមកជាល្អវិញនៅពេលបន្ទាប់នោះ។

ផ្ទុយទៅវិញ បើតាមផ្នែកវេជ្ជសាស្ត្រ ការញាក់ត្របកភ្នែកគឺអាចកើតឡើងមកពី អាការៈស្រវាំងភ្នែក ស្ត្រេស ការអស់កម្លាំង ការប្រើប្រាស់ភ្នែកក្នុងរយៈពេលយូរពេក និងមកពីការញ៉ាំជាតិអាល់កុល ឬកាហ្វេអ៊ីនច្រើនពេក៕

តើមិត្តអ្នកអានជឿលើប្រផ្នូលញាក់ភ្នែកនេះបានកម្រិតណាដែរ?

អត្ថបទទាក់ទង៖

-កុំមើលកញ្ចក់ពេលយប់… ប្រយ័ត្ន…!

-ជំនឿឆ្មាខ្មៅកន្លងសព ស្ដាប់ហើយព្រឺក្បាលខ្ញាក!

-ជំនឿសំណាងល្អ និងសំណាងអាក្រក់ លើអព្ភូតហេតុ

ប្រែសម្រួល៖ សរ សុគន្ធី

ប្រភព៖ holestoheavens, workathomemums, md-health

(សូមអានបន្ត)

ក្រុមហ៊ុន MEGA WE CARE រៀបចំយុទ្ធនាការបរិច្ចាគឈាមរបស់បុគ្គលិក ដើម្បីគាំទ្រដល់វិស័យសុខាភិបាលក្នុង ស្រុក និងលើកកម្ពស់ការយល់ដឹងអំពីអត្ថប្រយោជន៍នៃការបរិច្ចាគឈាម

ចំនួនអ្នកទស្សនា: Views

October 05, 2026 No comments

រាជធានីភ្នំពេញ ប្រទេសកម្ពុជា – ថ្ងៃទី២៩ ខែកញ្ញា ឆ្នាំ២០២៦ – ដើម្បីបង្ហាញពីគុណតម្លៃស្នូលនៃទំនួលខុស ត្រូវសង្គម និងសុខុមាលភាពសហគមន៍ ក្រុមហ៊ុន MEGA We Care បានរៀបចំកម្មវិធីបរិច្ចាគឈាមដោយមាន កិច្ចសហការជាមួយមជ្ឈមណ្ឌលជាតិផ្ដល់ឈាម (ម.ជ.៨.ឈ)។ ព្រឹត្តិការណ៍នេះបានសម្តែងនូវស្មារតីសាមគ្គី ភាព និងទឹកចិត្តមនុស្សធម៌ពីសំណាក់ថ្នាក់ដឹកនាំ និងបុគ្គលិកក្រុមហ៊ុន MEGA សរុបចំនួន ៧៧ រូបដែលបាន ចូលរួមបរិច្ចាគឈាម ដើម្បីចូលរួមចំណែកសង្គ្រោះជីវិត និងជួយដល់អ្នកជំងឺដែលកំពុងត្រូវការឈាមជាចាំបាច់ នៅតាមបណ្តាមន្ទីរពេទ្យនានា។

គំនិតផ្ដួចផ្ដើមនេះបានស្តែងឲ្យឃើញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់ក្រុមហ៊ុន MEGA ក្នុងការឆ្លើយ តបគុណបំណាច់ចំពោះសង្គមកម្ពុជា។ តាមរយៈកិច្ចខិតខំប្រឹងប្រែងរួមគ្នានេះ បុគ្គលិកក្រុមហ៊ុន MEGA បានរួម ចំណែកយ៉ាងសំខាន់ដល់បុព្វហេតុដ៏មានអត្ថន័យនេះ ដោយបង្ហាញពីស្មារតីលះបង់ខ្ពស់ក្នុងការជួយលើក កម្ពស់គុណភាពជីវិតរបស់អ្នកដទៃក្នុងសង្គម។

ដោយសារតែការខ្វះខាតឈាមនៅតែជាបញ្ហាប្រឈមដ៏ធ្ងន់ធ្ងរសម្រាប់គ្រូពេទ្យ ក្នុងការសង្គ្រោះបន្ទាន់ ការវះ កាត់ និងការព្យាបាលអ្នកជំងឺរ៉ាំរ៉ៃ ក្រុមហ៊ុន MEGA We Care សូមអំពាវនាវយ៉ាងទទូចដល់សាធារណជនទូទៅ ឲ្យចូលរួមបរិច្ចាគឈាមនៅតាមមជ្ឈមណ្ឌលផ្ដល់ឈាមដែលទទួលបានការអនុញ្ញាតត្រឹមត្រូវ។

ក្រុមហ៊ុនសូមគូសបញ្ជាក់ថា៖ «ឈាមមិនអាចផលិតនៅក្នុងមន្ទីរពិសោធន៍បានឡើយ វាអាស្រ័យទាំងស្រុងលើ ទឹកចិត្តសប្បុរសធម៌របស់អ្នកបរិច្ចាគដោយស្ម័គ្រចិត្ត»។ «ការបរិច្ចាគឈាមតែមួយលើក អាចជួយសង្គ្រោះជីវិត មនុស្សបានរហូតដល់ទៅ ៣ នាក់ ហើយយើងសូមស្នើឲ្យអ្នកគ្រប់គ្នាដែលមានលក្ខណៈសម្បត្តិគ្រប់គ្រាន់ ចូល រួមធ្វើជាអ្នកជួយសង្គ្រោះជីវិត»។

ក្រៅពីផ្ដល់ផលវិជ្ជមានដ៏ធំធេងផ្នែកមនុស្សធម៌ ការបរិច្ចាគឈាមនេះក៏ផ្ដល់នូវអត្ថប្រយោជន៍យ៉ាងច្រើនដល់ សុខភាពរបស់អ្នកបរិច្ចាគផងដែរនេះបើការបញ្ជាក់តាមបែបវិទ្យាសាស្ត្រ។ សម្រាប់ព័ត៌មានបន្ថែមអំពីលក្ខខណ្ឌ នៃការបរិច្ចាគឈាម និងអត្ថប្រយោជន៍ចំពោះសុខភាព លោកអ្នកអាចសាកសួរ ឬពិគ្រោះយោបល់ផ្ទាល់ជាមួយ គ្រូពេទ្យ និងអ្នកជំនាញនៅតាមមន្ទីរពេទ្យនានា។

បន្ថែមពីលើសកម្មភាពអាជីវកម្ម ក្រុមហ៊ុន MEGA ជឿជាក់យ៉ាងមុតមាំថា ការធ្វើជាក្រុមហ៊ុនដែលមានការ ទទួលខុសត្រូវ គឺត្រូវតែរួមចំណែកជាវិជ្ជមានដល់សហគមន៍ដែលខ្លួនកំពុងប្រតិបត្តិការ។ នៅក្នុងប្រទេសកម្ពុជា ក្រុមហ៊ុន MEGA We Care បានជួយគាំទ្រដល់សហគមន៍តាមរយៈគំនិតផ្តួចផ្តើមសង្គម និងសប្បុរសធម៌ជា ច្រើននាពេលកន្លងមក។ សកម្មភាពទាំងនេះឆ្លុះបញ្ចាំងពីការប្ដេជ្ញាចិត្តរបស់ក្រុមហ៊ុន មិនត្រឹមតែក្នុងការប្រកប អាជីវកម្មដោយការទទួលខុសត្រូវប៉ុណ្ណោះេទ ប៉ុន្តែថែមទាំងបង្កើតផលវិជ្ជមានប្រកបដោយចីរភាពសម្រាប់ សង្គមកម្ពុជាទៀតផង។

(សូមអានបន្ត)

Tuesday, September 1, 2026

សិល្បករជើងចាស់ពីររូបបានទទួលពានរង្វាន់ពីកម្មវិធី Legend Awards 2026

ចំនួនអ្នកទស្សនា: Views

September 01, 2026 No comments

សិល្បករជើងចាស់ពីររូបបានទទួលពានរង្វាន់តួសម្ដែងឆ្នើម និងពានរង្វាន់កិត្តិយសក្នុងកម្មវិធី Legend Awards 2026 ដែលការប្រគល់ពានរង្វាន់នេះផ្តោតទៅលើការសម្ដែងល្អឥតខ្ចោះ ទាក់ទាញចិត្តទស្សនិកជន ព្រមទាំងការកោតសរសើរចំពោះការលះបង់ស្នាដៃដ៏មានតម្លៃ និងការជំរុញ និងអភិវឌ្ឍវិស័យភាពយន្តនៅកម្ពុជា។

សិល្បករជើងចាស់តាំងពីសម័យសង្គមរាស្ត្រនិយមលោកស្រី ឌី សាវ៉េត បានទទួលពានរង្វាន់កិត្តិយសពីកម្មវិធី Legend Awards 2026។ ការប្រគល់រង្វាន់ជូនលោកស្រី គឺដើម្បីជាការកោតសរសើរ និងទទួលស្គាល់ចំពោះការលះបង់ ស្នាដៃដ៏មានតម្លៃ និងការរួមចំណែកយ៉ាងសំខាន់ ក្នុងការជំរុញ និងអភិវឌ្ឍវិស័យភាពយន្តនៅកម្ពុជា។

សិល្បកជើងចាស់មួយរូបទៀតគឺលោក ទេព រិនដារ៉ូ បានឈ្នះពានរង្វាន់តួសម្ដែងបុរសឆ្នើមពីកម្មវិធី Legend Awards 2026។ ការទទួលបានពានរង្វាន់នេះគឺកើតចេញពីការសម្ដែងដ៏ល្អឥតខ្ចោះ មានភាពទាក់ទាញចិត្តទស្សនិកជន និងបានបង្ហាញទេពកោសល្យដ៏អស្ចារ្យក្នុងរឿង«ចាស់កំព្រា»។ ជាមួយគ្នានេះដែរ រឿងចាស់កំព្រា ដែលលោកសម្ដែងក៏បានឈ្នះពានរង្វាន់ភាពយន្តឆ្នើម (Best Feature Film) និងឈ្នះពានរង្វាន់ អត្ថបទភាពយន្តឆ្នើម (Best Script)ក្នុងកម្មវិធី Legend Awards 2026 ផងដែរ។

បន្ថែមពីនេះ ភាពយន្តចាស់កំព្រាក៏ជាប់ជាភាពយន្តខ្មែរដែលរកចំណូលបានច្រើនជាងគេ ក្នុងចំណោមភាពយន្តខ្មែរចំនួនបី។ ភាពយន្តពីរទៀតគឺភូមិគ្រឹះអាគម និងគូស្នេហ៍កំបុតក្បាល។

ក្រៅពីសិល្បករជើងចាស់ទាំងពីររូប នៅមានសិល្បករវ័យក្មេងមួយចំនួនទៀតឈ្នះពានរង្វាន់ពីកម្មវិធី Legend Awards 2026 ។ សិល្បករទាំងនោះរួមមានកញ្ញា សុន ទេពបំណង សម្ដែងក្នងរឿង សែនឆ្ងាយក្បែរអ្នក បានឈ្នះពានរង្វាន់តួសម្តែងនារីជំនាន់ថ្មីឆ្នើម។ លោក ប៊ុន សំខាន់ សម្ដែងរឿង សែនឆ្ងាយក្បែរអ្នក ដូចគ្នាក៏បានឈ្នះពានរង្វាន់ តួសម្តែងបុរសជំនាន់ថ្មីឆ្នើម។ ចំណែកកញ្ញា វ៉ាន់ សម្ផស្ស សម្ដែងរឿង កូននេនម្តាយខ្មោច បានឈ្នះពានរង្វាន់ តួសម្តែងនារីឆ្នើម។

គួររំឭកថាកាលពីយប់ថ្ងៃទី១១ ខែកក្កដា ឆ្នាំ២០២៦ រោងភាពយន្តលេជេន (Legend Cinema) បានរៀបចំកម្មវិធីខួប១៥ឆ្នាំរបស់ខ្លួននៅកម្ពុជា និងបានរៀបចំឲ្យមានការប្រគល់ពានរង្វាន់ដល់សិល្បករឆ្នើមសម្ដែងភាពយន្តខ្មែរផងដែរ។៕

ដោយ៖ តារា

(សូមអានបន្ត)

កម្មវិធី «The 2% Season 2 Finale Live Podcast» បញ្ចប់ដោយភាពជោគជ័យយ៉ាងគគ្រឹកគគ្រេង!

ចំនួនអ្នកទស្សនា: Views

September 01, 2026 No comments

កម្មវិធីផតខាសដ៏ពេញនិយមបំផុត «The 2%» បានបិទបញ្ចប់រដូវកាលទី២ របស់ខ្លួនយ៉ាងជោគជ័យ និងអស្ចារ្យបំផុត តាមរយៈការផ្សាយផ្ទាល់ (Live Podcast) ក្រោមភាពជាដៃគូជាមួយ EXPREZ កាលពីថ្ងៃទី០៦ ខែសីហា ឆ្នាំ២០២៦ ម្សិលមិញនេះ នៅរោងភាពយន្ត Legend by IZE (ផ្សារទំនើប ជីប ម៉ុង ២៧១ មេហ្គាម៉ល) ដោយមានការចូលរួមយ៉ាងកុះករពីសំណាក់ទស្សនិកជន។

នៅក្នុងរាត្រីដ៏ពិសេសនៃវគ្គផ្តាច់ព្រ័ត្រនេះ លោក តេង ស៊ាវប៉ោ (Mr. Teng Seavpor) ដែលជាពិធីករ និងជាស្ថាបនិកកម្មវិធី បានទទួលស្វាគមន៍វត្តមានវាគ្មិនកិត្តិយសដ៏ខ្ពង់ខ្ពស់គឺ អ្នកឧកញ៉ា លាង ពៅ (Peter) ដែលជាថ្នាក់ដឹកនាំអាជីវកម្មដ៏លេចធ្លោ និងជោគជ័យមួយរូបនៅកម្ពុជា។

េញមួយកម្មវិធី ទស្សនិកជនទទួលបាននូវចំណេះដឹង បទពិសោធន៍ជីវិតពិត យុទ្ធសាស្ត្រធុរកិច្ច និងការបំផុសគំនិតយ៉ាងស៊ីជម្រៅពីអ្នកឧកញ៉ា ក្នុងការកសាងអាណាចក្រអាជីវកម្មឱ្យរឹងមាំ ដែលរកជាវនៅកន្លែងណាផ្សេងមិនបាន។ បរិយាកាសនៅក្នុងរោងភាពយន្តទាំងមូល ពោរពេញទៅដោយភាពរំភើប រីករាយ និងការទះដៃអបអរសាទរមិនដាច់ពីសំណាក់អ្នកចូលរួមទាំងអស់។

ភាពជោគជ័យនៃកម្មវិធីដ៏អស្ចារ្យនេះ ក៏មានការចូលរួមគាំទ្រយ៉ាងធំធេងពីបណ្តាដៃគូសហការ និងអ្នកឧបត្ថម្ភធំៗ រួមមាន៖ EXPREZ, Legend Cinema, IZE, BLVNC Attire, និង Leng Kheang។

កម្មវិធី «The 2%» បានបង្ហាញយ៉ាងច្បាស់ពីការប្តេជ្ញាចិត្តក្នុងការនាំមកនូវមាតិកាអប់រំ និងការចែករំលែកផ្នត់គំនិតវិជ្ជមានដើម្បីអភិវឌ្ឍសង្គម។

អ្វីដែលរឹតតែពិសេស និងជាកាដូដ៏ភ្ញាក់ផ្អើលសម្រាប់អ្នកគាំទ្រនោះគឺ កម្មវិធី « The 2% រដូវកាលទី៣ (Season 3)» នឹងលេចរូបរាងឡើងក្នុងពេលឆាប់ៗខាងមុខនេះហើយ! ក្រោមការបន្តគាំទ្រ និងឧបត្ថម្ភធំដដែលពី Cambodia Cola ដែលជាដៃគូដ៏រឹងមាំ ក្នុងការជំរុញ និងលើកកម្ពស់ការចែករំលែកចំណេះដឹង និងផ្នត់គំនិតអាជីវកម្មឱ្យកាន់តែទូលំទូលាយ និងកាន់តែអស្ចារ្យជាងរដូវកាលមុនៗ។

(សូមអានបន្ត)

Tuesday, August 18, 2026

PINEX AGRO នាំស្វាយចន្ទីកម្ពុជាឡើងឆាកអន្តរជាតិក្នុងកម្មវិធី IMPACT GALLERIA TOKYO 2026

ចំនួនអ្នកទស្សនា: Views

August 18, 2026 No comments

លោកស្រី ពិន ភិរម្យ អគ្គនាយិកានៃក្រុមហ៊ុន UNI Holding និងជានាយិកាប្រតិបត្តិនៃក្រុមហ៊ុន PINEX AGRO Co., Ltd. បាននាំយកសក្តានុពលវិស័យស្វាយចន្ទីកម្ពុជា ទៅបង្ហាញលើឆាកអន្តរជាតិ បន្ទាប់ពីត្រូវបានជ្រើសរើសជា បេក្ខភាព Top 10 នៃពានរង្វាន់ IMPACT GALLERIA AWARD 2026 និងបានតំណាងឱ្យកម្ពុជាចូលរួមកម្មវិធី IMPACT GALLERIA TOKYO 2026 នៅទីក្រុងតូក្យូ ប្រទេសជប៉ុន។

នៅថ្ងៃទី ១ ខែសីហា ឆ្នាំ២០២៦ លោកស្រីបានធ្វើបទបង្ហាញអំពីគំរូអាជីវកម្ម ចក្ខុវិស័យរបស់ PINEX AGRO និងសក្តានុពលដ៏ធំធេងនៃ វិស័យស្វាយចន្ទីកម្ពុជា ទៅកាន់វិនិយោគិន ដៃគូអាជីវកម្ម និងថ្នាក់ដឹកនាំសហគមន៍ ធុរកិច្ចអន្តរជាតិ។

ស្វែងយល់ពីឱកាសនៃវិស័យស្វាយចន្ទីកម្ពុជា

សារសំខាន់ដែល PINEX AGRO ចង់បង្ហាញទៅកាន់ពិភពលោក គឺកម្ពុជាមិនត្រឹមតែមានសក្តានុពលក្នុងការ ផលិតវត្ថុធាតុដើមកសិកម្មប៉ុណ្ណោះទេ ប៉ុន្តែមានឱកាសដ៏ធំក្នុងការបង្កើត តម្លៃបន្ថែមតាមរយៈការកែច្នៃ បច្ចេកវិទ្យា សុវត្ថិភាពចំណីអាហារ ការវេចខ្ចប់ ការកសាងម៉ាកយីហោ និងការនាំផលិតផលសម្រេចទៅកាន់ទីផ្សារអន្តរជាតិ។ តាមរយៈវេទិកាអន្តរជាតិនេះ PINEX AGRO ក៏មានគោលបំណងទាក់ទាញចំណាប់អារម្មណ៍ពី វិនិយោគិន ដៃគូយុទ្ធសាស្ត្រ អ្នកផ្តល់បច្ចេកវិទ្យា និងដៃគូចែកចាយអន្តរជាតិ ឱ្យងាកមកស្វែងយល់ពីឱកាសក្នុងវិស័យស្វាយចន្ទី និងកសិ-ឧស្សាហកម្មរបស់កម្ពុជា។

បន្ទាប់ពីការចូលរួមនៅទីក្រុងតូក្យូ លោកស្រី ពិន ភិរម្យ ក៏ទទួលបាន ការទទួលស្គាល់បន្ថែម និងឱកាសចូលរួមតាំងពិព័រណ៍នៅ Sustainable Food Museum ដែលជាឱកាសថ្មីមួយទៀតក្នុងការនាំយកផលិតផល និងរឿងរ៉ាវនៃវិស័យកសិកម្មកម្ពុជាទៅកាន់ទស្សនិកជនអន្តរជាតិ។

មោទនភាពមួយទៀតសម្រាប់កម្ពុជា

សម្រាប់ PINEX AGRO សមិទ្ធផលនេះមិនមែនជាជោគជ័យរបស់ក្រុមហ៊ុនតែមួយនោះទេ ប៉ុន្តែជាឱកាសមួយក្នុងការនាំយក កម្ពុជា គ្រាប់ស្វាយចន្ទីកម្ពុជា និងសហគ្រិនខ្មែរ ទៅបង្ហាញលើឆាកអន្តរជាតិ។

PINEX AGRO បន្តប្តេជ្ញាចូលរួមជំរុញការកែច្នៃផលិតផលក្នុងស្រុក បង្កើតតម្លៃបន្ថែម គាំទ្រកសិករ បង្កើតការងារក្នុងសហគមន៍ និងនាំយកផលិតផលកសិកម្មដែលផលិត និងកែច្នៃដោយកូនខ្មែរ ឆ្ពោះទៅកាន់ទីផ្សារតំបន់ និងពិភពលោក។

ពីដីកម្ពុជា ឆ្ពោះទៅកាន់ឆាកពិភពលោក

ស្វែងយល់ពីស្វាយចន្ទីកម្ពុជា — ស្វែងយល់ពីឱកាសវិនិយោគនៅកម្ពុជា

អំពី PINEX AGRO

PINEX AGRO Co., Ltd. ជាក្រុមហ៊ុនកសិ-ឧស្សាហកម្មកម្ពុជា ដែលផ្តោតលើការបង្កើតតម្លៃបន្ថែមដល់ផលិតផលកសិកម្ម ជាពិសេសវិស័យស្វាយចន្ទីកម្ពុជា។ ក្រុមហ៊ុនមានចក្ខុវិស័យក្នុងការផ្សារភ្ជាប់វិស័យកសិកម្ម ការកែច្នៃ ឧស្សាហកម្ម និងសហគមន៍ ដើម្បីនាំយកផលិតផលកម្ពុជាដែលមានគុណភាពទៅកាន់ទីផ្សារតំបន់ និងអន្តរជាតិ។

(សូមអានបន្ត)

Thursday, July 9, 2026

សម្តេចធិបតី ហ៊ុន ម៉ាណែត៖ ថ្ងៃនេះរាជរដ្ឋាភិបាលកម្ពុជាបានសម្រេច នឹងប្រើប្រាស់យន្តការនៃការផ្សះផ្សារដោយចាប់បង្ខំ ដែលស្ថិតនៅក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS)

ចំនួនអ្នកទស្សនា: Views

July 09, 2026 No comments

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់តាមបណ្តាញសង្គមការងារផ្លូវការ នាថ្ងៃទី៥ ខែឧសភា ឆ្នាំ២០២៦នេះថា ថ្ងៃនេះរាជរដ្ឋាភិបាលកម្ពុជាបានសម្រេច នឹងប្រើប្រាស់យន្តការនៃការផ្សះផ្សារដោយចាប់បង្ខំ រឺមួយក៏យើងអាចហៅថា (Compulsory Conciliation) (ខមផាលសូរី ខនស៊ីលីហ្សិន) ដែលស្ថិតនៅក្រោមអនុសញ្ញាអង្គការសហប្រជាជាតិ ស្តីពីនីតិសមុទ្រ (UNCLOS) (អាន់ខ្លូស) ដើម្បីស្វែងរកដំណោះស្រាយដោយសន្តិវិធី ផ្អែកលើមូលដ្ឋានច្បាប់ ក្នុងការដោះស្រាយតំបន់ទាមទារដែនសមុទ្រត្រួតគ្នារវាងកម្ពុជានិងថៃ បន្ទាប់ពីភាគីថៃបានប្រកាសជាផ្លូវការ សម្រេចដកខ្លួនដោយឯកតោភាគីចេញពីអនុស្សរណៈនៃការយោគយល់គ្នារវាងកម្ពុជា-ថៃ រឺហៅកាត់ថា MOU 2001 (ឬដែលភាគីថៃហៅថា MOU44) ។

សម្តេចបានបន្តថា ជាង25ឆ្នាំកន្លងមកនេះ អនុស្សរណៈនៃការយោគយល់គ្នារវាងកម្ពុជា-ថៃ MOU2001 បានដើរតួនាទីយ៉ាងសំខាន់ ដែលជាក្របខណ្ឌទ្វេរភាគីតែមួយគត់ដែលបានឯកភាពគ្នា សម្រាប់ភាគីទាំងពីរក្នុងការដោះស្រាយតំបន់ទាមទារដែនសមុទ្រត្រួតគ្នា ហើយការចូលជាធរមាននៃអនុស្សរណៈនៃការយោគយល់គ្នានេះ បញ្ជាក់អោយឃើញអំពីស្មារតីនៃកិច្ចសហប្រតិបត្តិការ និងសុច្ឆន្ទៈទៅវិញទៅមក។ តាមសម្តេចធិបតី បានបញ្ជាក់ថាជាការសោកស្តាយ ដែលភាគីថៃបានសម្រេចដកខ្លួនជាឯកតោភាគីចេញពីអនុស្សរណៈនៃការយោគយល់គ្នាមួយនេះ ហើយសម្រាប់កម្ពុជាយើងតែងតែផ្តល់លទ្ធភាពទៅដល់យន្តការទ្វេភាគី ដែលស្របទៅនឹងតាមអនុស្សរណៈនៃការយោគយល់គ្នាមួយនេះ។ ការដកខ្លួន ដោយឯកតោភាគីចេញពីអនុស្សរណៈនៃការយោគយល់គ្នានេះ គឺជាការបោះបង់ចោលកិច្ចព្រមព្រៀងទ្វេរភាគីតែមួយគត់ ដែលបង្កើតអោយមានក្របខណ្ឌទ្វេរភាគីតែមួយគត់ ដែលភាគីទាំងពីរបានពឹងផ្អែក និងប្រើប្រាស់ជាង ២ទស្សវត្សន៍កន្លងមកនេះ។

សម្តេចធិបតី នាយករដ្ឋមន្ត្រី បានបន្ថែមថាក្នុងករណីនេះ ក្នុងនាមជារដ្ឋដែលគោរព និងប្រកាន់ខ្ជាប់ច្បាប់អន្តរជាតិ ក៏ដូចជាការដោះស្រាយជម្លោះដោយសន្តិវិធី កម្ពុជាពុំមានជម្រើសអ្វីក្រៅពីពឹងផ្អែកទៅលើច្បាប់អន្តរជាតិ និងអនុសញ្ញាអង្គការសហប្រជាជាតិ ស្តីពីនីតិសមុទ្រ ជាពិសេសយន្តការនៃការផ្សះផ្សារដោយចាប់បង្ខំ (Compulsory Conciliation) (ខមផាលសូរី ខនស៊ីលីហ្សិន) ដែលបង្កើតឡើងក្រោមអនុសញ្ញាមួយនេះនុះទេ។

(សូមអានបន្ត)

Monday, October 5, 2026

Ronaldoចាកចេញពីជំរំហ្វឹកហាត់របស់ជម្រើសជាតិហើយតើមានរឿងអ្វីចំពោះគាត់?

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

Tuesday, September 1, 2026

សិល្បករជើងចាស់ពីររូបបានទទួលពានរង្វាន់ពីកម្មវិធី Legend Awards 2026

កម្មវិធី «The 2% Season 2 Finale Live Podcast» បញ្ចប់ដោយភាពជោគជ័យយ៉ាងគគ្រឹកគគ្រេង!

Tuesday, August 18, 2026

PINEX AGRO នាំស្វាយចន្ទីកម្ពុជាឡើងឆាកអន្តរជាតិក្នុងកម្មវិធី IMPACT GALLERIA TOKYO 2026

Thursday, July 9, 2026

Labels

Blog Archive

Categories

Popular Posts

Popular Posts

Pages

Monday, October 5, 2026

Ronaldo​ចាកចេញពី​ជំរំហ្វឹកហាត់របស់ជម្រើស​ជាតិ​ហើយ​តើ​មានរឿងអ្វីចំពោះ​គាត់?​

ជំនឿ​ផ្សេងៗ​ទាក់ទង​រឿង​ញាក់​ត្របក​ភ្នែក​តាម​ម៉ោង​

Tuesday, September 1, 2026

សិល្បករជើងចាស់ពីររូបបានទទួលពានរង្វាន់ពីកម្មវិធី Legend Awards 2026

កម្មវិធី «The 2% Season 2 Finale Live Podcast» បញ្ចប់ដោយភាពជោគជ័យយ៉ាងគគ្រឹកគគ្រេង!

Tuesday, August 18, 2026

PINEX AGRO នាំ​ស្វាយចន្ទី​កម្ពុជា​ឡើង​ឆាក​អន្តរជាតិ​​ក្នុង​កម្មវិធី​ IMPACT GALLERIA TOKYO 2026

Thursday, July 9, 2026

Social Profiles

Labels

Blog Archive

Categories

Popular Posts

Popular Posts

Pages

Ronaldoចាកចេញពីជំរំហ្វឹកហាត់របស់ជម្រើសជាតិហើយតើមានរឿងអ្វីចំពោះគាត់?

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

PINEX AGRO នាំស្វាយចន្ទីកម្ពុជាឡើងឆាកអន្តរជាតិក្នុងកម្មវិធី IMPACT GALLERIA TOKYO 2026